Spoorwegkoek

Nostalgiese bederf; uit ouma se resepteboek. Wonder wie het met die een groot geword? 125 g sagte botter 4 eiers geskei 400 g suiker 375 ml melk 80 ml brandewyn 480 g koekmeel 5 ml koeksoda 10 ml kremetart 1 hoogvol koppie korente Voorverhit oond 150 C Room botter, voeg eiergele en suiker by en room tot lig en donserig Meng melk en brandewyn voeg by eiermengsel maar moenie roer nie Sif nou koekmeel, koeksoda en kremetart saam en vou om die beurt bietjies, bietjies by die eier en melk mengsel in. Voeg korente by en roer mooi deur. Klits eierwitte styf en vou by mengsel in Skep in gesmeerde koekpan en bak by 150 C vir ongeveer 2 ure tot toetspen skoon uitkom